هيلانة الشيخ تكتب أزمة كاتبة عربية

• Alsekeh Editor
• 20 أبريل، 2023
• المحطة الثقافية
• 0 Comments

 السكة  – المحطة  الثقافية – من قلم هيلانة الشيخ

معلش يمة، فلسطين تحررت واليهود هربوا، وأنا جوزت محمد وجاب بنت سميّتها مريم على اسمك، وأنا تركت الكتابة، علشان خلاص تعبت عيني وبطلت أشوف، والكتابة ما بتجيب همها، وماهر طلع من السجن والدول العربية توحدت ؛ ما توحدت وصارت دولة وحدة طبعا، بس اليمن والسعودية اتصالحوا، وسوريا بطل فيها موت، رجعت سوريا أرض الياسمين والفرح، ولبنان عمّروها وبطل فيها خوف، والعراق رجعت وقفت على رجليها، وليبيا رجعت أرض خير، والسودان ربحت والحبشة بطلت تتحامى بإسرائيل، ومصر زادت جمال على جمالها، وشو بدي أقولك ت أقولك الصحرا زرعوها وبطل في ناس مش لاقية توكل، خير الله كثير، أهم شي القدس صرنا نروح نزورها وحققنا حلمنا، كان نفسي تكوني معنا، مريم بتشبهك، بياضها زي النور وشعرها حرير وضحكتها نستنا كلشي شفناه، واليوم كملت سنتين، وأنا عجزت، عجزت كثير بس لسة بلعب مع أحفادي، ما تركت هبلي، ولا عقلت، ولا بدي أعقل، ليش أعقل، ولمين وبضل أتذكر كلامك: بدكيش تعقلي وتركزي؟
أصلا بنفعش أعقل وأنا بحب واحد مجنن ربي، ياريتك شفتيه أكيد كنت راح توصيه عليّ: تزعلهاش بكفيها غُلب.

معلش يمة لازم أكذب عليكِ، لأنه الكذب أحن من الصدق بكثير.

#أزمة_كاتبة_عربية